Blariacum

Dit artikel is gesjreve in 't Tegels. Ómdat 't plaatsgebónge is, maogs doe 't ómzètte nao 't Blieriks, es te dit dialek sjpriks.

---

Blariacum (Blariaco) op de Peutingerkaart.

Blariacum, 't hujige (Holt-) Bliërik, waas ein Romeins legerkamp in de provinsie Ónger-Germanieë (Latien: Germania Inferior). Dao zaot ein gans dörp umheer.

Blariacum steit vermeld op de Peutingerkaart (Tabula Peutingeriana) as Blarico tösse Catualium (Hael) en Ceuclum (Kuuk) op de heirwaeg van Atuatuca Tungrorum (Tóngere) nao Noviomagus (Nimwege). Vanaaf Blariacum leep 'ne verbindingswaeg nao de heirwaeg aan de euverkant van de Maas, dae van Coriovallum (Heële) nao Colonia Ulpia Traiana (Sante) leep. D'r schient gin brök te zien gewaes, maar ze koste dao redelik gemekkelik de Maas euver.

D'r zien vuuel reste van Blariacum gevónge beej archeologische ongerzeuk, in Holt-Bliërick, Bliërik en de Bookend, wies wied op Bree aan. Toen 't Roemeinse leger zich truuk begos te trekke van ozze regio zien vuuel plaatse lang verlaote gewaes; schoow veur de Franke. Maar Bliërik neet, det is al deen tied bewoeënd geblaeve, wies nao aan toe. Vanaaf 1940 huurt 't beej Venlo en is 't eige karakter miër en miër op d'n toch komme te staon. In de Bookend en Holt-Bliërik hees se nag wat luuj die ech Bliëriks praote.