Blötsj

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

'n Blötsj is ein woord dat in väöl Limburgse dialekte veurkump. ’t Haet dan meistal tweë meugelikke beteikenisse:

1. De beteikenis van 'ne deuk, biejveurbeeld es me zaet "dae wagel zit vol mèt blötsje, dae mot neuëdig oetgedeuk waere".
2. De beteikenis van ’n ónneuëzel emes (meistal wirt hiejmit ein vrouwmesj of ein maedje bedoeld) of 'ne sukkel. Dan wirt waal gezag "dat vroumesj is ’n gooj blötsj".

Etymologie

’t Woord is aafgeleijd van ’t Middenederlandjse blutse dat blaor of buul beteikende. Ouch in Kiliaan kump, naeve butse, 't zelfde woord veur mèt dezelfde beteikenis. Opvallend is dat hiejoet in oes dialekte ein ómgekeërde beteikenis is óntsjtaon. In ’t Kölsj kump ’t woord Blötsch veur mèt dezelfde beteikenis.