Binnestaot

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'ne Binnestaot is 'n ónaafhenkelik landj det gans door 't vastelandj van anger lenj wuuertj ómgaeven en det geinen drekken toegank haet toete aope zieë. Binnestaote zeen veur toegank toete zieë dus ummer aafhenkelik van anger lenj. In 2012 bestingen in totaal veerenvieërtig binnestaote.

Binnezieëje zeen allein mitte oceane verbónje middels 'n zieëstraot, wie de Oeaszieë, Middellandjse Zieë enne Zwarte Zieë. Dees zieëstraot is van groeat strategisch belang, wobie eint of twieë lenj de kóntraol höbben euveren ingank van dees zieëjen enne aan dees binnezieëje gelaenge lenj denwaal gein binnestaote zeen, meh waal aafhenkelik zeen vanne lenj die de kóntraol höbben euver dees zieëstraote.

'nen Eilandjstaot is 't taengegestèldje van 'ne binnestaot en wuuertj gans door water ómgaeve.