Bieslouk

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Bieslouk mit bloomknuup.

Bieslouk of graaslouk (Allium schoenoprasum) is 'n plantj oete loukfemielje (Alliaceae). De plantj is verwantj ane bolgewasse, wie de ooj, de poor enne witlouk.

't Is 'n vaste plantj die aafkómstig is oet Europa en Naord-Azië. De plantj bleudj in juni en juli mit blaw-raos-paarse sjurme. Op 't Belsj en in Nederlandj kump nag wilje bieslouk veur.

't Kroed kan vanaaf ènj mieërt, begin april waere gezejdj en in 'ne lichtelik kalkrieke, good-bemèsdje, vochtige gróndj, zowaal op 'n zónnige es op 'n sjeemrieke plaats.

Zejlinge kónne waeren oetgezatte mit 'n plantjaafstandj van zoea twintjig centimaeter. De plentjes mótte good vochtig waere gehaje. Bieslouk is ouch gesjik veur in 'n blomepot oppe vinsterbank of de balkóng te waere gekwieëk. Veur bieslouk is kóffedras 'n gooj mèsstof.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bieslouk&oldid=460721"