Berlaymontgeboew

Van Wikipedia
(Doorverweze van Berlaymont-geboew)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


't Berlaymontgeboew in Breusel
Logo van de Europees Kemissie bie de ingank van 't Berlaymontgeboew.

't Berlaymontgeboew, de bâtiment Berlaymont of sömpelweeg 't Berlaymont ies 'n belangriek euverheidsgeboew in Breusel. 't Ies 't houfkantoar van de Europees Kemissie. 't Geboew sjteit aan de Wetstraat-Rue de la Loi, 't Rond point Schuman plein en weurt umrink door versjillende Europees insjtillinge. 't Sjtadsgedeilte woa 't Berlaymontgeboew liegk weurt de Europees Wiek geneump en Breusel weurt op internationaal gebeed dieks besjouwd wie de de facto houfsjtad van de Europese Unie (EU).

Historie[bewirk | brón bewèrke]

Kluèster van Berlaymont

De plek van 't geboew woort oarsjpronkelik ingenomme door 't Kluèster van Berlaymont (in 't Frans: Couvent des Dames de Berlaymont). De geisteleke aldao beheerde 'n bekinde maetjessjoal, oarsjpronkelik opgeriech door de echgenote van Florent van Berlaymont. Begin zisteger jaore koch de Belzje sjtaat't domein op um de Europees aanwezegheid in Breusel te verankere. De Dames du Berlaymont verhuusde nao Waterloo (ze waore väöl jaore eerder al 's verhoes um plaats te make veur 't Justitiepalies van Breusel). e Nuuj geboew woort opgetrokke van 1963 bies 1969 mit 240.000 m² oppervlaakte euver 18 verdepinge.

Dao wirkte 3000 ambetenere van de Kemissie van 1967 bies 1991. Wie woort vasgesjtild dat 't asbes goof in 't geboew begoos 'n groondeg renovatie. De herbekleiing doerde bies 2004 en pas toen koes de Kemissie opnuuj häöre intrik nömme in 't geboew.

Op maondeg 18 mei 2009 ontsjtong brand in ein van de boveste verdepinge van 't geboew. 't Woort ontruumd. Op goonsdig 27 mei dat jaor woort 't geboew opnuuj ontruump umdat 't alarm waor aofgegange.

Architectuur[bewirk | brón bewèrke]

Architek Lucien De Vestel ontweerp 't oarsjrponkelik geboew same mit Jean Gilson, Jean Polak en André Polak. 't Besjtong oet 'nen tore in de vörm van e kruus woadoor veer vleugels vertrikke vanoet 't centrum. 't Gief kantoare veur 3000 ambtenere in 't geboew. Vergajerzale bevinge ziech bovenaan. In de kelders liegk 't restaurant, tillevisiesjtudio, conferentiezale, opsjlaagruumte, parking en anger deenste.

De architecte Pierre Lallemand, Steven Beckers en Wilfried Van Campenhout ontweerpe de herinriechting van 't geboew (1997-2004). De belangriekste wieziginge waore 'n vergajerzaal bove in de zuudoastelikke vleugel, 'n gans nuuje sjtructuur mit drie vergajerzale aan de noordoastelikke kant van 't terrein, 'n dubbel façade rond 't gans geboew mit verplaatsbaar glaspanele aan de boetekant en groate eupeninge in de geliekvloorse verdeping um miè daagleech toe te laote.

De architecten Pierre Lallemand, Steven Beckers en Wilfried Van Campenhout ontwierpen de herinrichting van het gebouw (1997-2004). De belangrijkste wijzigingen waren een vergaderzaal boven in de zuidoostelijke vleugel, een volledige structuur met drie vergaderzalen aan de noordoostelijke kant van het terrein, een dubbele façade rond het gehele gebouw met verplaatsbare glaspanelen aan de buitenkant, en grote openingen in de gelijkvloerse verdieping om meer daglicht toe te laten.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Berlaymontgeboew&oldid=454739"