Berg en Terbliet

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Bergs (Valkeberg), es te dit dialek sjpriks.

---

Berg en Terbliet (Berg en Terblijt) Gewaeze gemeinte in Nederlandj
{{{locatie}}}
Gevörmp	1796
Opgehaeve	1982
Opgegange in	Valkeberg aan de Geul
Provincie	Nederlands Limbörg
Hoofplaats	Berg
Opperflaakde (bie opluffing)	7,47 km²
– daovan water:	0,04 km²
Inwoeners (kort veur opluffing)	3.430 (1971)
– deechde:	459/km²
Lies van börgemeisters

Berg en Terbliet ies 'n veurmalige gemeinte in Zuud Limburg mèt es kerne: 't kèrkdörp Berg en wiejer de gehuchte Terbliet, Vilt en Geulem. Tot aan de Franse tied waore 't twie aparte hièrlekhede: Berg, wat ein van de èlf benk van Sintervaos waor, en Terbliet, saer 1542 in heng van de femilie Van de Bongard. Bie de gemeintelike herindeiling in 1982 woort de ganse gemeinte bie de gemeinte Valkeberg aan de Geul gevoog. E jaor veur de herindeling, in 1981, versjeen e sjtandaardwerk van 500 pagina's, euver Berg en Terbliet, gesjreve door de auteursj: Victor Klaessen, A. Houben, H. Raeven en H.Schols.

De witte plaatsnaamborde mèt de naam "Berg en Terblijt" zint nao de herindeiling, in de ganse veurmalige gemeinte, blieve sjtoon.

Waope

---

De volgende sectie van dit artikel is gesjreve in 't Mestreechs.

---

De gemeinte Berg en Terbliet kraog op 15 september 1819 e waope touwbedeild, wat ziech zoe liet umsjrieve:

In zèlver (wit) 'ne zwarte (sic!) sleutel. 't Sjèld op de boors gedrage door 'ne zwarte dobbelen adeleer, gebeek en geklajd vaan goud (geel).

Dit waope is neet gebaseerd op de aw hierlekheidswaopes of sjepebaankzegele vaan Berg en/of Terbliet.

Historische inwoenertalle

Mèt oetzundering vaan d'n tied tösse 1956 en 1960 kós de gemeinte Berg en Terbliet ummer 'ne gezónne greuj; dit in tegestèlling tot väöl aander gemeintes in 't Heuvelland, boe ieder stagnatie heersde.

Jaor Aontal Greuj (gans Limbörg) 1830 749 -- 1840 766 +3,1% (+5,6%) 1849 793 +3,5% (+4,3%) 1859 866 +9,2% (+4,4%) 1869 951 +9,8% (+4,5%) 1879 1.086 +14,2% (+7,0%) 1889 1.188 +9,4% (+6,8%) 1899 1.279 +7,7% (+10,2%)

Jaor Aontal Greuj (gans Limbörg) 1909 1.369 +7,0% (+17,8%) 1920 1.767 +29,1% (+32,6%) 1930 2.045 +15,7% (+25,1%) 1947 2.199 +7,5% (+24,2%) 1956 2.711 +23,3% (+27,3%) 1960 2.591 -4,4% (+7,4%) 1971 3.430 +32,4% (+13,9%)

Opmerkinge

• Wie bove al gezag umvatde de gemeinte neve 't dörp Berg en 't gehuch Terbliet ouch nog Vilt, Geulem en e paar hoezer in 't boetegebeed.
• De getalle veur 1971 zien op ganse vieftalle aofgerund; 't greujciefer zouw daorum neet gans kinne kloppe.

Rillatief oontwikkeling vaan 1830 tot 1971

(v₁₈₃₀=100)

Greun: Gemeinte Berg en Terbliet
Blauw: Provincie Limbörg