Ben Erkens

Van Wikipedia
Gank nao: navigatie, zeuke
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Gelaens, as te dit dialek sjpriks.

Ben Erkens (Gelaen, 21 september 1952) ies 'ne zenger en leedsjessjriever oet Gelaen. Hae ies sins 1975 lid van de groep Carboon. Hae haet 5 kièr 't Limburgs Vastelaovesleedjes Konkoer gewónne; 3 kièr waor hae zelf zoawaal oetveurende es leedsjessjriever en de ander kière sjreef hae 't winnend leed.

De ièrsjte LVK-euverwinning van Erkens waor in 1979, same mèt The Country Singers en 't leedsje Dan kal ich plat. Mèt Mie Limburgs blood wón hae in 1983 obbenuujts, noe same mèt kapel Roed is droof. In 1990 wón hae 't LVK veur de derde kièr, mèt Ich tik neet richtig, dat hae same mèt Miets Zijlstra-de Loo haet gesjreve. Wie d'r Herrgot Limburg hat gemaak, woamèt Frans Croonenberg in 2002 wón, ies 'n compositie van Ben Erkens. De winnaar van 2005, Wat zaeter?! oetgeveurd door Böshuuske Ontsjpannings Vereiniging oet Bor, sjreef Erkens same mèt Frank Dullens en Paul Heffels.

Ben is ouch lid van de Limburgse popgroep Valsj Plat. 'ne Groep dae hoofzakelik Stones-nummersj brink mèt dialektekste. Ouch waor hae lid van 't amusementsorkes Sjpaspartout.

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ben_Erkens&oldid=395499"