Belasting (lektrotechniek)
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'n Belasting is 'nen algemeinen term veur e lektrikelement det is aangeslaoten op 'n spanningsbrón of stroumbrón en dao-oet lektrikstroum verbroek. 't Element kan 'n lamp zeen of 'ne lektrikkachel, mer ouch 'n apparaat wie 'ne computer. In 't vakjargon wuuertj belasting gebroek veure gruuedje vanne lektrikstroum.
Gebroek
[bewirk | brón bewèrke]De naodrök ligk op 't feit det de spanningsbrón wuuertj belas en dus stroum levertj en ónger die ómstenjigheje fónksjeneertj wie 't zich huuertj. 'ne Versterker mót stabiel blieve; 'n batterie of 'nen accu mót neet euverbelas waere; de zekering mót gans blieven, en zo wiejer. De functie die 't apparaat of de component vervöltj is van óngergesjik belang; ze zeen óngerling oetwusselbaar. Wichtig is det de belasting gesjik is veure brón worop dees is aangeslaote. Dus blieve spanning en stroum binne veilige grenze. Bie wusselspanning mót de impedantie de juuste waerd höbbe.