Balkan (sjiereiland)

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Balkan in engere en oetgebreidere zin 1991
Balkan in engere en oetgebreidere zin 2008

D'r Balkan (of Balkansjiereiland) vörmt 't oostelekste sjiereiland van de driej groeëte sjiereilande in Europa en wert vör 't örsj in 1808 zoe geneumd dör d'r Duutsje geograaf August Zeune. 't Wert in 't noorde begrensd dör de revere Sava en Donau en in 't noordweste dör de lien Triëst - Ljubljana. 't Oontleent ziene naam an berg in Bulgarije die in 't Turks (en inmiddels ooch in de mètste aander tale, mae neet in 't Bulgaars) Balkan wert geneumd, wat Bebeusjde Berg betekent. De Bulgare haant 't över 't Stara Planina (Стара Планина). Mèt dae naam, dae Owwe Berg betekent, verwieze ze allèng nao de berg en neet nao 't sjiereiland.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Balkan_(sjiereiland)&oldid=341658"