Baláže

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


't Veurmaolig dörpke Kalište in de gemeinte Baláže.

Baláže (IPA: /'bala:ʒɛ/; Hongaars: Balázs; Duutsj: Lipscherseifen) is e dörp en 'n gemeinte in 't Sjlowaaks distrik Banská Bystrica. 't Plaetske ligk zon 15 km van de houfplaats Banská Bystrica aaf.

't Dörpke Baláže ligk op 'n heugde van 550 m. De oppervlaakde van de gemeinte is 14,22 km². De gemeinte Baláže haet 193 inweuners (31 december 2004) en 'n bevolkingsdichheid van 14 luuj/km². De poscode van de gemeinte is 976 11.

't Plaetske ligk in de Karpate aan de Liptsch-baek (Ľupčica).

Bezeenswaerdigheje[bewirk | brón bewèrke]

Op 't gróndjgebied van de gemeinte ligk 't veurmaolig dörpke Kalište det tiejes de Sjlowaakse Nasjenalen Opstandj plat waerde gebrandj door de nazi's en wovan de bevolking waerde oetgemaord. Dit plaetske loog 924 m baove zeeniveau in de heuvele t'n naordooste van 't dörp. Allewiel sjtaon nag sjlechs twee hoezer. Sjteine funderinge teune de plaatse wo de anger 36 hoezer sjtinge. Dees plaats is noe e museum wo-ouch infermasiebördjes sjtaon euver 't bloodblaad.

Gesjiechte[bewirk | brón bewèrke]

Baláže waerde veur 't eers vermeldj in in 1529 (1529: Huttae Lyptyczae; 1531: Lyptzcicz; 1540: Lypschersaifen).

Róndj 4 oer 's middigs op 18 meert, 1945 kome de Nazi's aan in Kalište. De dörpelinge waerde doodgesjaote wiedet zie oet häör hoezer kome en 't dörp waerde gans plat gebrandj. Vief daag later waerde 't gebied bevriejd door 't oprökkendj Sovjet-leger.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Baláže&oldid=421278"