Baal (Hukkelhaove)
- Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Hukkelhaoves, es te dit dialek sjpriks.
Baal (mit sleiptoean, van 't Letiens palus "zómp") is e dörp inne Naordrien-Wèsfaalse gemèndje Hukkelhaove. t'n Naorde van Baal ligke Granterath en Hertzerath; t'n zuje ligk Rurich; t'n oeaste ligk Lovenich; t'n naordwèste 'n industrieterrein inne richting van Doeëvere; en t'n wèste 't Roerdaal inne richting van Helfet. Wiejer ligk Baal ane spaorlien dae richting 't zuudwèste op Brakelen aan trèk.
Op 30 juni 2014 haw Baal 3.757 inwoeaners.
In e klei bósgebied halverwaeges Baal en Doeëvere (inne vouksmóndj Hunter d'n Berg) bleujen aljaors van zoeaget midden april toet midde mei hieël väöl hazeklökskes (Hyacinthoides non-scripta), 'n betrèkkelik zeldjzaam plantj in 't wildj. Hieveur neump me dit gebied ouch waal 't waad vanne blaw blome.
Baal vörmdje vreuger zien eige gemèndje, die op 1 jannewarie 1972 bie Hukkelhaove woort ingelief.