Bónnesóp
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Bónnesóp is 'n maoltiedsóp die in d'r gaanse Euregio Maas-Rien wert gaeëte. 't Is e typisch weentergerech dat dèk mèt d'r bouillon van e sjeenkske wert gemakt. 't Haat twieë variaante: de broen en de witte bónnesóp. 'n 70 Jaor gelaeje waoërt de noon nog 'sj middegs gaeëte en oot me in d'r weenter al aoves bónne- of aertesóp.
Recept
[bewirk | brón bewèrke]- Doeg 250 gram gedruuëgde broen of witte bónne in 2 liter kaoëkend water. Es 't water wer kaoëkt zèt me d'r kaeëtel mèt inhoud 12 bies 24 kaod öm de bónne te laote weke.
- D'r daag d'r óp lötste e sjeenkske in 2 liter water taege d'r kaoëk a trèkke gedorende driej oor mèt get laureer, 3 gróffesnaegel, paeëperbölkes, thijm, marjolein, un. Es 't sjeenkske gepieëkeld is deet me gee zaot mie in de sóp.
- 1 liter van de bónnebreuj in d'r bouillon en de bónne.
- Sjpaoër, fleenk get selderblad en peterselie, un, bietsje wórtel en selderieknól en e paar erpele, allemaol klènggemakd d'r bie en de sóp nog 'n oor laote trèkke.
- 't Sjeenkske oet de sóp pakke en in dun sjiefkes sjnieje. De sjeenk èt me mèt zwart broeëd mèt mósterd same mèt de sóp.
- Room in d'r taelder en de söp d'r óp doeë.