Awans- en Warouxkrèèg

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


D'r Awans- en Warouxkrèèg waor 'ne börgerkrèèg in 't Luukse (1296-1335) tösje de ridderfamilies Awans en Waroux oet Haspengouw. Volges d'r kronieksjriever van Haspengouw, Jacob van Hemricourt, waor d'r inzat van d'r bloederige sjtrijd de sjaking van 'n oonvriej vrow, oonderhorig an Humbert Corbeal van Awans, dör 'n familielid van hieër Willem va Waroux. D'r Mal-Saint-Martin of d'r Seent-Maeërtensraamp (1312) brach de Awans an de ziej van de volkspartiej, de Waroux an de ziej van de patriciërs. De Vraej va Fexhe brach gèng oplossing. D'r Luukse bisjop Adolf van der Marck (1313-1344) zörgde oonder sjerke drök oeteindelek vör 'n oplossing in 1335 mèt de Vraej des Lignages. Lignage (veraoderd) of parenté betekent (blood)verwaantsjap. Vanaaf doe zowwe de gesjille tösje de edele besjlecht waeëre dör 'n tribunaal, dat oet 12 ridders besjtong. Dis Vraej wert da ooch waal de Vraej van de Xll geneumd. De vete tösje de Awans en de Waroux bewèrkde d'r oondergaank van de Luukse aristocratie.

Externe leenk[bewirk | brón bewèrke]

D'r teks van Jacob van Hemricourt över d'r Awans- en Warouxkrèèg

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Awans-_en_Warouxkrèèg&oldid=340604"