Atoombóm

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Atoombóm is e waope det zien verrinnewerendje kraf haoltj oet kaerreaksjes, die waere verkregen oet splieting of samesmultjing van atome (kaerfusie). 't Gevolg is det ouch e klei kaerwaope det 'n klein wieväölheid innerzjie aafguuef ummer sterker is es de grótste conventioneel springstóffen en ei waope zat kraf haet 'n ganse stad kepót te make.

Inne gesjiechte vanne kriegsveuring zeen atoombómme meh twieë kieër gebroek, namelik inne litste daag vannen Twieëdje Werreldkrieg. d'n Ieëste kieër waas det 6 augustus 1945 inne mörge, wie de Vereinigdje Staoten 'n uraniumbóm genaamp Little Boy oppe Japanse stad Hiroshima leet vallen ennen twieëdje kieër waas drie daag later 'n plutoniumbóm genaamp Fat Man oppe stad Nagasaki. Bie 't ómplóffe vanne bómme zeen drek 100.000 toet 200.000 luuj ómgekómme, mit nag väöl mieër indirekte slechoffers.

Saere gebeurtenisse van Hiroshima en Nagasaki zeen mieër es 2.000 atoombómmen aafgelaote veur te stuten en oet te perbere. De lenjer die det zeker höbbe gedaon zeen de Vereinigdje Staote, de Sovjetunie, 't Vereinig Keuninkriek, Frankriek, 't Vouksrippebliek China, India, Pakistan en Naord-Korea.