Asturië (regio)

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Regio van Spanje
Asturië
Principado de Asturias
Principáu d'Asturies
Veendel vaan Asturië Waope vaan Asturië
Locatie vaan Asturië
Hoofplaats Oviedo
Opperflaakde 10.604 km²
Inwoeners
Deechde
1.061.756 (2014)
100/km²
President Javier Fernández
Vouksleed Asturias, patria querida
Taole Spaons
ISO 3166-2 ES-AS
Website www.asturias.es

't Prinsdom Asturië (Spaons: Principado de Asturias, Asturisch: Principáu d'Asturies) is ein vaan de 17 otonoom regio’s vaan Spanje en ligk in 't noordweste vaan 't land, tösse 't Cantabrisch Gebergte en de Cantabrische Zie, tösse de regio's Galicië en Cantabrië. In 't zuie grens Asturië aon Castilië en León.

Bestuurleke indeiling[bewirk | brón bewèrke]

Asturië is zoewel 'n otonoom regio es 'n provincie, en is dus in tegestèlling tot beveurbeeld Andalusië neet onderverdeeld in versjèllende provincies.[1]

Asturië is oonderverdeild in ach comarca's (Asturisch: cotarros) en 78 gemeintes. Daoneve gief 't ouch landeleke parochies die hure bij 'n gemeinte. Dit zien bestuurleke oonderverdeilinge vaan gemeintes; ze höbbe niks te make mèt kèrkeleke parochies.

Taol[bewirk | brón bewèrke]

De einege officieel taol in Asturië is 't Spaons (of Castiliaons). Daoneve weurt Asturisch (Asturisch: Asturianu of Bable) gemojld, wat weurt beschermp door de Wèt op 't Gebruuk en de Bevordering vaan 't Asturisch (Ley 1/1998, de 23 de marzo, de uso y promoción del bable/asturiano). In 't weste vaan Asturië weurt ouch 'n dialek vaan 't Galicisch gemojld, wat ouch wel es 'n euvergaanksdialek tösse 't Galicisch en 't Asturisch weurt gezeen. 't Gebruuk vaan dit dialek is evels minimaal vergeleke mèt 't gebruuk vaan 't Asturisch. 't Gief 'ne tendens um alle Spaonse plaotsnaome door traditioneel Asturische en Galicisch-Asturische plaotsnaome te vervaange.

Rifferenties[bewirk | brón bewèrke]

  1. 'tzelfde Geldt veur Cantabrië, La Rioja, Navarra, Murcia en de regio Madrid.
 
Otonoom regio's in Sjpanje
Vaan van Sjpanje
Otonoom regio's:
Andalusië · Aragón · Asturië · Baleare · Baskeland · Canarische eilen · Cantabrië · Castilië-La Mancha · Castilië en León · Catalonië · Extremadura · Galicië · La Rioja · Madrid · Murcia · Navarra · Valencia
Otonoom sjtae:
Ceuta · Melilla
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Asturië_(regio)&oldid=410682"