Astrologie

Van Wikipedia
Gank nao: navigatie, zeuke

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


Astrologie is 'n traditioneel praktiek wobie de posiesjes van de zón, de maon, de sterre en de planete waere gevölg mit de bedoeling óm veurspèllinge te make euver 't laeve op de aerd. Binne de astrologie wuèrtj daovan oetgegange det dees hièmelliever 'nen invlood höbbe op de miensjelike karakters en gebeurtenisse. De astrologie guèf op gróndj hievan raod womit emes zie veurdeil zów kónne behaole (horoscoop).

't Guèf óngersjied nao regio binne de astrologie, namelik de wèsterse en de Sjinese astrologie.

Binne de astrologie geluif me det de microkosmos (de miens) zich verbindj mit de macrokosmos ('t hièlal). Hiedoor is 't meugelik óm aanhandj sterrekónstellaasjes (de zodiak) te bepaole waat beveurbeildj de sterke en weike puntje van emes zeen. Eder sterrebild van de zodiak guèf 'n indikaasje waat van emes de instèlling in 't laeve zów kónne zeen. Astrologie vereisj jaore van studie. Sómmige astroloage zölle d'rop wieze det de sterre "neet dwinge", meh bao aanwiezinge gaeve. Oetènjelik bepaoltj de miens zelf zie eige laeve.

Astrologie is get anges es de astronomie. De meiste astronoame en anger weitesjappers zint van meining det de astrologie 'n pseudoweitesjap is.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Astrologie&oldid=382180"