Aonsleeg vaan 11 september 2001

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


'n Fotomontage vaan de aonsleeg vaan 11 september 2001

Op 11 september 2001 weure e aontal aonsleeg gepleeg op de Twin Towers in New York en 't Pentagon in Arlington County, Virginia. Bij dees aonsleeg valle bekans 3.000 börgerdoeje.

Officieel lezing[bewirk | brón bewèrke]

De officieel lezing is tot al-Qaeda, 'n terroristische groepering die geleid weurt door Osama bin Laden de aonsleeg heet gepleeg. Op dee mörge weure veer vleegmasjienes gekaap door 19 manslui die verboonde zien aon al-Qaeda. In eder team vaan kapers zaot 'ne getrainde piloot. Twie vleegmasjienes vlege in de Twin Towers vaan het World Trade Center in New York City, eint in edere tore. Alle twie de tores valle binne twie oor inein. De piloot vaan het daarde vleegmasjien stort neer in het Pentagon in Arlington County, Virginia. Passageers en bemanning vaan het veerde vleegmasjien perbere de kóntrol vaan het vleegmesjien trök te kriege; het vleegmasjien stort neer in e veld bij Shanksville in Somerset County, Pennsylvania. Boete de 19 kapers weurt vasgesteld tot 2973 lui doed zien en 24 lui vermis tot op de daag vaan vendaog.

Twiefels[bewirk | brón bewèrke]

Nao de aonsleeg zien versjèllende theorie nao väör gekómme, boe-in gespikkeleerd weurt euver de waren touwdrach. Zoe zówwe mierdere lui vaan de euverheid al ieder op de huugte zien gewees vaan de aonsleeg en höbbe ze niks gedoon met die kinnes, of zelfs tot zie zelf de planne veur de aonsleeg höbbe gemaak. Aandere zègke tot 't oeteindelek instorte vaan de tores vaan het World Trade Center veroorzaak is door explosies. Weer aandere zègke tot gaaroet gein vleegmasjien in het Pentagon is neergestort, en tot het veerde vleegmasjien zou zien neergesjote.

Reakties[bewirk | brón bewèrke]

Es gevolg vaan de aonsleeg is de euverheid vaan de Vereinegde State van Amerika 'nen oorlog tege 't terrorisme begós. Es ierste höbbe ze, same met 'n 'coalitie' vaan aander len, de Taliban-regering vaan Afghanistan aofgezat umtot dat 't land waor boe al-Qaeda zien trainingskampe zouw höbbe en boe Osama bin Laden zouw verblieve.

D'n oorlog in Irak is volges de euverheid van de V.S. ouch e gevolg vaan de aonsleeg vaan 11 september.

Externe links[bewirk | brón bewèrke]