Aonsleeg in Bombay vaan november 2008

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


'n Aontal vaan de doelwitte in 't zuide van Bombay

De aonsleeg in Bombay vaan november 2008 betrof 'n reeks vaan tien tegeliek gepleegde terroristische aonsleeg die op 26 november 2008 in de Indiase stad Bombay (ouch bekind es Mumbai) plaotsvoonte. De hei-oet veurtvloeiende bezèttinge vaan gebouwe en gijzelinge doorde in sommege gevalle tot 29 november. D'r vele oongeveer 175 doeje en oongeveer 245 gewonde, veur 't mierendeil Indiërs mer ouch inkel tientalle persone oet aander, veural westerse len. De aonsleeg woorte door tien à viefentwintig al-evel oet Pakistan aofkomstige, islamitische terroriste oetgevoerd. Volges d'n einege euverlevende terroris waore ze vaan plan gewees 'n Indiaas '9/11' tot stand te bringe.[1]

Doelwitte[bewirk | brontekst bewerken]

Doelwitte waore oonder aandere:

Verloup[bewirk | brontekst bewerken]

De terroriste zien vaanaof zie Bombay binnengekoume. In de hotels hadde zie 't veural gemunt op persoene mèt 'n Brits of Amerikaans paspoort.[2] Bij de terreuracties braoke versjeie brande oet in 't hotel Taj Mahal Palace. De terroriste ginge zier gewelddadeg te werk. Zoe woorte oonder andere gegijzelde op 'n rij gezat en ein veur ein doedgesjote.[3] Indiase politie- en legerfunctionarisse mooste dèks groete meujte doen um de gijzelacties te beëindege en de gijzeleers te bevrijje; heibij woorte sloepsjötters ingezat.[4]

Op 28 november woorte 't Oberoi-hotel en 'n joeds relizjieus centrum oontzat. Onder mie de behierend rabbijn en zien vrouw lete bij de gijzeling 't leven.[5]

Op 29 november kaom mèt 't doedsjete vaan de drei lètst euvergebleve terroriste in 't Taj Mahal Palace-hotel 'n ind aon de terreuracties.[6]

Oet de verklaoring vaan de einigste gearresteerde terroris esouch oet de groete hoeveelheid aongetroffe explosieve maakde de Indiase pelitie en leger op tot de terroriste vaan plan waore gewees alletwie de hotels op te bloze en daomèt väöl lui d'n doed in te jaoge. Ouch deilde de terroris mèt tot ze 't hadde veurzeen op blaanke westerlinge en Joede. Moslims wouwe ze evels spaore.[7]

Referentie[bewirk | brontekst bewerken]

  1. Terroriste wouwe 'n Indiaas 9/11, NOS Journaal, 29 nov 2008
  2. 22 boetelandse doeje gemeld, NOS Journaal, 28 nov 2008
  3. Gijzeleers blieve neet gespaord, Trouw, 29 nov 2008
  4. Troepe confrontere de aonvallers vaan Bombay, BBC News, 27 nov 2008
  5. Bloodbad in Bombay ten einde, de Volkskrant, 29 nov 2008
  6. Aontal doeje in Bombay stijg tot 195, Het Laatste Nieuws, 29 nov 2008
  7. Terroriste in Bombay ‘wouwe 'n Indiaas 9/11’, Indian Express, 29 nov 2008