Anzio

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Lazio
Anzio op de kaart van Italië
Anzio
Anzio
Anzio op de kaart van Italië
Anzio op de kaart van Lazio
Anzio
Anzio
Anzio op de kaart van Lazio

Anzio[1] (sprek oet wie Ántsjo) of Antium[2] is 'n gemeinte in de provincie Roeme, die weer deil oetmaak vaan d'n Italiaonse regio Lazio. 't Goof in Anzio op 31 december 2018 55.101 inwoeners. Mèt 'n oppervlak vaan 43,4 veerkentege kilometer, hojsde dao dus 1.270 lui de veerkentege kilometer. Ze ligk op 'n huugde vaan 3 meter aon de Mediterraonse Zie.

Umtot 't benkelek väöl versteieleking gief roontelum Roeme, weurt Anzio allewijl mètgerekend es deil vaan 't "Groeter Roeme" (maggiore Roma). De versteieleking kin me good zien door de jaore heer. Wijl 't in 2019 55.101 inwoeners goof, goof 't in 1991 meh 33.497 inwoeners in Anzio. In 2001 goof 't d'rs 36.952 en in 2004 46.074.

In 't Roemeins Riek waor Antium e bekind stedsje vaanwege twie keizers, Caligula en Nero, die dao gebore waore. Wijers had Gaius Cilnius Maecenas 'n villa dao. Wie 't de Groete brand vaan Roeme goof in de nach vaan 18 op 19 juli 64, oontsnapde Nero nao Antium um dao te hojze in zien villa. Achteraof woort häöm oonversjèllegheid verwete. Zoe sjreve de Roemeinse historici Cassius Dio en Suetonius verwietentere tot Nero e buunkostuum aondoog en 'n Aajdgrieks leed euver de verweusting vaan de stad Illium zóng. Tacitus, deen eiges nege jaor aajd waor op 't momint vaan de brand, deit dit evels aof es e geröch. Op force vaan häöm spoojde Nero ziech trök nao Roeme um bij te stoon en hölp te organisere, die heer oet zienen eige moyen betaolde. Zoe opende heer zien peliezer veur de zwervers en deilde kosteloes veujsel oet.

De gemeinte is daoneve veural bekind door 't neerkoume bij Anzio vaan de geallieerde in d'n Twiede Wereldoorlog. Op 22 jannewarie 1944 goof 't hei Britse en Amerikaanse tróppe die neerkaome oonder de naom Operation Shingle. Deze slaag däörde bis 5 juni en indegde in 'ne gespelden triómf veur de geallieerde.

Rifferenties[bewirk | brón bewèrke]

  1. Italiaons, allewijl meis gehanteerden term
  2. Latien, ouch nog väöl in gebruuk
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Anzio&oldid=450030"