Anya Niewierra

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Kirchröadsj, es te dit dialek sjpriks.

Anya Niewierra (Kèrkraoj, 5 mei 1964) is 'n Nederlands-Limbörgse sjriefster en oondernumster. Ze is veural bekind um häör literair thrillers, die allemaol tot bestsellers oetgreujde.

Leve

Niewierra deeg 't gymnasium aon Rolduc en góng daonao nao Breda veur aon de Hoegsjaol veur Toerisme en Verkier te studere, boe ze in 1987 cum laude aofstudeerde. Daonao góng ze wèrke bij de VVV Zuid-Limbörg, boe ze in 1993 al algemein directeur vaan woort. Hei zat ze ziech jaorelaank in veur doorzaam toerisme, get boe ze in 2023 e lintsje veur kraog.

Häör sjriefdebuut maakde ze in 2010 mèt e beukske euver 125 jaor VVV: Zuid-Limburg, toen... en nu. In 2013 kaom häör ierste fictiewerk oet, Vrij uitzicht. 'nen Twiede roman, Het dossier, volgde in 2018. Pas mèt häör veerde book, De Camino oet 2021, góng 't ech hel. 't Book stoont vief weke op de ierste plaots vaan de Bestseller Top 60 en brach dao alles biejein mie es twie jaor in door. 't Succes vaan dit book maakde ouch tot Niewierra häör iejer beuk populair woorte. Ind augustus stoonte alle vief häör romans tegeliek in de Top 60, get wat geine Nederlandsen oteur veur häör gelök waor.

Beuk

Zuid-Limburg, toen... en nu - hoe 125 jaar toerisme Zuid-Limburg veranderde (2010; non-fictie; mèt Marianne Laarakkers)
Vrij uitzicht (2013; thriller)
Het dossier (2018; thriller)
Het bloemenmeisje (2020; thriller)
De Camino (2021; thriller)
Witte ballonnen (2022; kort verhaol, neet in bookvörm oetgegeve)
Ook dat nog (2022; daagbeuk; mèt Merel Godelieve)
De nomade (2024; thriller)

Bron

Dit artikel is gebaseerd op 't corresponderend Nederlandstaoleg artikel, en wel in dees versie.