College Rolduc

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Kirchröadsj. Laes hie wie v'r mit de versjillende saorte Limburgs ómgaon.


College Rolduc woar ing sjoeëlejemeensjaf i Kirchroa mit gymnasium, atheneum, havo en vmbo. De jemeensjaf tselde ónjeveer 2.400 lierlinge, versjpreid uvver versjillende locaties i Kirchroa, nemliech 't Tsentroem (Hoots en Rolduc) en Kirchroa-Wes (d'r Campus en 't Elbereveld). Vanaaf 2001 vele alle sjoeële vuur ’t voortjezats ongerwies i Kirchroa onger College Rolduc. Vruijer woare ze versjpreid uvver zieëve versjiedene sjoeële. In 2009 woeëd de sjoeël ópjeheëve en same mit 't Eijkhhagen College oet Lankjraaf ópjejange in 't Charlemagne College.[1]

Óngerwies[bewirk | brón bewèrke]

College Rolduc is ing van de aodste óngerwiesinsjtellinge i Nederland. Op Rolduc weëd al vanaaf 't 12e joarhónged les jejoave.

Vuur lierlinge die e zoeë ruum meujeliech aabod va sjproache wille, is d’r 't gymnasium, dat ziech van ‘t atheneum ongersjied durch de lesse Jrieks en Latien en doaneëver de lesse uvver d’r Jrieks-Romeinse koeltoer. Umdat ’t Latien zoeë wiechtiech is vuur ’t liere va vreëm sjproache, weëd ’t óp de brugklas vuur ’t janse vwo (gymnasium en atheneum) aajeboane. Jraat wie wiskunde vroage de klassieke sjproache e jroeës analietiesj vermeuje. Uvverijens zunt de meujeliegheete vuur ’t vervolgongerwies vuur gymnasium en atheneum ’t zelfde.

Óp de locatie Elbereveld vingt me de toepassingsjerichte havo. Went me dis riechtóg volgt, kriet me e normaal havo-diploma, mer durchdat inne praktiesje komponent heij aa weëd tsouwjevogd is d’r ing nóg bessere ansjloes op ’t hoëjer beroepsongerwies.

Óch wat vmbo betruft ken me óp College Rolduc tsereët vuur alle richtinge. Zoeë legt d’r theoretisje lierwèg d’r noadruk op de theorievakke en sjpieëder eventuel anschloes óp 4 havo. In d’r jemiesjde lierwèg volgt me neëver de theorievakke óch ee praktijkvak, terwijl in de kader- en beroepsjerichte lierweëje de praktijkvakke centraal sjtunt. Durch dizze praktisje jerichtheet sjpreche vuur da och van ing vmbo-plus opleiding, die lierlinge nóg besser vuurbereid op ing mbo-opleiding aan ing van de Regionaal Opleidings-Centra (ROC’s) in de noabersjaf.

Biezongerhede[bewirk | brón bewèrke]

College Rolduc kenmerkt ziech durch ing lang jesjiechte in ’t óngerwies, ’t historische abdijjebouw en de klingsjaaligheed. Óch woare d’r inkele extra-curriculair activiteite op College Rolduc, zowie tswai sjoeëlkrante (Vox Rodenses en Stopwatch!), Showtime, LOIS sjilderijen en d’r Avond der Muzen (inge culturele oavend vuur en durch lierlinge). Óch woar d’r e samewerkingsverband tusje Roda JC en aasjtormend voetbaltalent op College Rolduc en hat College Rolduc e eeje sjoeëlorkest: ‘t Schoolorkest College Rolduc.

Referentie[bewirk | brón bewèrke]

  1. NRC Handelsblad, 15 november 2008, pag 2, Kerkrade wil zijn Rolduc niet missen, Paul van der Steen
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=College_Rolduc&oldid=419276"