Angelusklökske

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

't Angelusklökske is de kleinste klok van 'n geluuj (aantal klokken) en haet doavan de hoagste toan.

De Angelusklok woort vreuger dageliks geloejd óm 6 oer 's mörges, op 't middigoer en óm 6 oer 's aoves. Dat ware de tieje wo-op roams-katholieke woorte opgerope óm 't Èngel des Heëre (ofwaal 't Angelus) te baeje. De naam van de Angelusklok is neet te verwarre mèt 'papklok'. Dees klok loejde 's aoves óm 9 oer, de luuj aote doe pap veur 't sjlaope gaon. Dit woort door de papklok ingeloejd.

In de Oude Kerk (Amsterdam) woort in 't naojaor 2006 de Angelusklok in eëre hersjtèld naodat dees biej de Alteratie in 1578 waas weggehaold. De nuuj klok is 77 cm hoag, haet 'ne diameter van 77 cm en waeg 200 kg. Dees Angelusklok is gesjónke door ein van de klokkeloejers, de zoon van de vreugere predikant Kaptein. Aanleiding waas 't 700-jaorig besjtaon van de Aw Kirk, 't awtste geboew van Amsterdam.

De taore wo-in 'n Angelusklökske hink wirt in de boewkuns ouch waal de Angelustaore geneump.

In Duutsjlandj, Nederland en in deile van Frankriek woort 't Angelusklökske ouch waal de Vredesklok geneump en door ’t klökske in tieje van aorlog te loeje woort daomit 'ne oproop veur vrede gedaon.