Euverlèk:Angelusklökske

Pagina-inhoud wordt niet ondersteund in andere talen.
Van Wikipedia

Pivos, ies 't neet loewe ipv loeje? Dao zint luuj die zinge (en 't sjteit ouch in gepubliceerde tekste (...) "loejende klokke, van Limburg mie landj "! Loeje doont volges miech de keu terwiel de klokke loewe. Toch?--Aelske 10 nov 2009 10:18 (CET)[reageer]

Ich höb d'r ouch effe bie nao mótte dènke. Loejende of loewende, mèr ouch wirt d'r waal gesjreve loeënde. Zuug hiej [1]. Volges mich is dit lètste de originele sjriefwieze, mèr wie mót ich dit dan sjrieve op de bewuste plaatsj in 't stökske? Ich denk zelf dat 't hiej weer 'n nuance versjil is tösje Zittesj en Gelaens. Pivos 10 nov 2009 10:50 (CET)[reageer]
De oetsjpraok loeënde zou toch get andersj moete zin es loewende, want de ë ies eigelik 'ne naosjlag achter oe en oewe ies toch miè 'ne twièklank. Meh ja wie luuj leedsjes sjrieve en publicere maog gein criterium zin veur de sjpelling. Iech höb al sjpellingsvörm gezeen wat dat betref, woavan diech de haore in de loch goon. En toch sjtooon die dan in beuk of op cd's...--Aelske 10 nov 2009 11:01 (CET)[reageer]
Dat geluif ich direk van dich. Ich höb inmiddels in de gate gekrege dats dich 'ne sjpecialis bès. Mèr zou 't toch kènne dat se die w waal heuërs mèr neet gesjreve wirt? En dat me dan dèks op loeënde oetkump? Ich mót waal zègke dat dit saort óngerwerpe es auvermenneke en angelusklökske, die toch typisch gèt Limburgs höbbe, eigelik van die artkele zint die ech thoes heuëre op Wiki Limburg. Ich bèn veursjtander óm (allein) artikele te sjrieve die gèt Limburgs in zich höbbe (gein Amerikaanse counties wat mich betruf). Es se zuus wie gaw dees óngerwerpe door angere wirt aangevöld en gecorrigeerd dan deid mich dat good. Pivos 10 nov 2009 11:14 (CET)[reageer]
Nei, in dit geval ies 't gewoon verkièrde sjpelling. Wat die "Limburgse artikele" aangeit, gaon iech mèt diech mèt (meh wae bin iech? ). Meh, van de andere kant moete v'r ederein de vrieheid geve um vrie (in 't Limburgs) te sjrieve euver wat ze leuk vinge! Veural umdat deze wiki toch mer langsaam greujt ;)--Aelske 10 nov 2009 11:41 (CET)[reageer]