André Piters

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


André Piters (Herve, 18 jannewarie 1931) is 'ne veurmalige Belzje voetballer.

Piters voetbalde 16 jaor op 't hoagste niveau in de Belzje en Nederlandse competities, veurnamelik es rechsboete. Hiejvan sjpeelde hae van 1951 pes 1961 veur Sjtandaard Luuk. Hae sjpeelde veur dees club 208 wedsjtrieje en maakde hiejin 58 gole. In 1958 behaolde hae mèt Sjtandaard 't landjskampioensjap van Belsj en in 1954 woort hae mèt dees club Belsj baekerwinnaer. In 1961 maakde hae de euversjtap nao Olympique Charleroi. Vervolges ging hae in 1963 nao 't Gelaense Fortuna '54 wo hae in 1967 zien carrière es profvoetballer aafsjloot. Es sjpeler van Fortuna '54 maakde hae tieën competitiegole en behaolde hae in 1964 de KNVB-baeker.

André Piters sjpeelde 23 wedsjtrieje veur 't Belsj Nationaal Èlftal. In dees 23 wedsjtrieje maakde hae zeve gole

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=André_Piters&oldid=348933"