Amnesty International

Van Wikipedia
Gank nao: navigatie, zeuke

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


Amnesty International is 'n verein die de naolaeving vanne mienserechte beuig wie die zint vasgelag in de Universeel verklaoring van de rechte van de miens en anger internasjenaal mienserechtedocumentje. 't Symboal van de organisaasje is 'n kaesj mit pindraod, 'n verwiezing nao 't motto: "'t Is baeter 'n kaesj aan te staeke es de duusternis te vervloke". Mit aafdeilinge en individueel leje in mièr es 150 lenjer en e totaal van mièr es drie miljoen leje en óngerstäöners, is 't de meis-verbrèdje mienserechtenorganisaasje oppe welt. Amnesty International krieg zien inkumste veural oet individueel donaasjes. 't Wirkgebeed van de verein is breier gewaore, mer in de jaorrapporte zint gevangesjap, merteling en executie de wichtigste óngerwirpe gebleve.

Wichtige actiememènte veur de organisaasje wore ónger anger de mienserechte t'n tieje van 't weltkampioensjap voetbal in Argentinië in 1978, de aanvaarding van 't VN-verdraag taenge mertele in 1984, 't Tiananmenprotes in Sjina in 1989, de val van Srebrenica in 1995, de oprichting van 't Internasjenaal Straofhof in 1998, de besjurming van börgers bie de geallieerdjen inval in Irak in 2003, de rivveluusjes in de Arabische werreld in 2010, de veroardeiling van leje van de Róssische punkband Pussy Riot in 2012 en de rapporte euver kriegsmisdriever in de Syrische börgerkrieg.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Amnesty_International&oldid=383445"