Amarasi (spraok)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

't Amarasi is 'n Austronesische spraok die gekaldj wuuertj inne provincie Oeas-Nusa Tenggara op 't Indonesische eilandj Timor, versprèdj euver tachtig dörper. De spraok wuuertj gekaldj door zoea 70.000 luuj (2011) en haet de ISO 639-3 code aaz.

't Amarasi wuuertj ouch waal Timor Amarasi of Uab Meto geneump.

't Guuef veer versjillige dialekte, namelik 't Kotos (centraal en oeastelik), 't Ro'is (wèstelik), Ro'is Hero (of Kopa, ómgaeve door Helong-spraokgebied) en Ro'is Tais Nonof (zujelik). 't Amarasi maak deil oet vanne Uab Meto-spraokkitting. 't Sjientj det de spraok geliekenisse haet mit 't Uab Meto, mer 't guuef versjillen inne fonologie, de vocabulair enne diskoer, mit semantische versjuvinge, structureel versjillen en verstaonbaarheidsprobleme. 't Ro'is Tais Nonof haet de intonatie wie 't Ro'is, mer de vocabulair wie 't Kotos.

't Amarasi wuuertj gesjreven in 't Letiens sjrif enne meiste litteratuur steitj in 't Kotos-dialek. 't Guuef ouch poëzie en gezètten inne spraok, esouch deiler vanne Biebel die euvergezadj zeen van 2002 toet 2011. De spraekers zeen euverwaegendj kristelik.

De spraokstatus veur dees spraok is óntwikkelendj (5); det beteikentj det de spraok laevetig is en det litteratuur in 'n gestanderdiseerdje vorm gebroek wuuertj door sómmige, meh det is nag neet wiedversprèdj of haadbaar.

Classificatie

• Austronesisch
  • Malayo-Polynesisch
    • Centraal-Oeastelik Malayo-Polynesisch
      • Oeastelik Malayo-Polynesisch
        • Timor-Babar
          • Kern-Timor
            • Uab Meto

Brón

• Ethnologue.