Alfred Dreyfus

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Alfred Dreyfus.

Alfred Dreyfus (Mulhouse, 9 oktober 1859Paries, 12 juli 1935) waor 'ne joods-Fraanse officier, dae väöral bekènd waoërt dör de nao häöm geneumde Dreyfus-affaire.

De Dreyfus-affaire[bewirk | brón bewèrke]

Dreyfus waoërt óp 15 oktober 1894 gearresteerd óp groond va vaalsje documaente oeë-oet zów blieke dat-e verraod zów ha gepleegd (e zów 'ne sjpion zieë väör Duutsjlaand); 't feit dat-e 'ne jood waor how met dit alles te make. E waoërt op 5 januari 1895 oet z'ne rang gezat en veroordeeld töt 'n laeveslang gevangenissjtraof, oet te zitte óp 't beruchde Duvelseiland.

Z'n veroordeling veroorzaakte väöl ambras en versjèjje perzoeëne haant zich d'r aan meuj gemakd öm 'm vrie te kriege. Dit kreeg z'n beslag op 19 september 1899 wie Dreyfus waoërt vrijgelaote. Pas op 12 juli 1906 waoërt-e gaans vriegesjpraoëke van de aanklachte oeë me 'm van besjöldègde.

Oonder aandere d'r bekaande Fraanse sjriever Emile Zola haat zich väör z'n vrielaoting en rehabilitatie ingezat mèt z'n beroemd pamflet uit 1898 getiteld J'accuse...! ofwaal Ich klaag aan...!

Dreyfus is begrave op begraafplaatsj Cimetière du Montparnasse in Paries.

Bibliografie[bewirk | brón bewèrke]

  • Lettres d'un innocent (Breve van 'ne ónsjöldige) (1898)
  • Les lettres du capitaine Dreyfus à sa femme (Breve va kapitein Dreyfus an z'n vrów) (1899), gesjraeve op Duvelseiland
  • Cinq ans de ma vie (Vief jaor van mie laeve) (1901)
  • Souvenirs et correspondance, (Herinneringe en breefwisselinge) (postuum in 1936)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Alfred_Dreyfus&oldid=433962"