Aevener

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


d'n Aevener.

d'n Aevener is 'n dinkbiljige lien euvere aerd. d'n Aevener ligk midde tösse de poeale en verdeiltj de aerd in e naordelik en e zujelik halfróndj. De naorder- en zujerbrèdje zeen oppe aevener ummer próntj nól. De lingdje is zoeaget 40.070 km.

De snelheid dore drejjing vanne aerd is oppen aevener 't grótste en bedruueg zoeaget 1670 km de oer. Oppe poeale is dees snelheid 't lieëgs, namelik nól. De zón steitj twieë kieër de jaor próntj rech oppe gróndj; dit geldj aevel veur 't ganse gebied tösse de bei kieërkringe. Daoveur is 't oppen aevener meistes hieël heit en guuef 't gein sezoene wie die inne gemaotigdje gebiede waal zeen. Waal kèntj me döks 'ne naten en 'nen druuegen tied. De zónkrach is oppen aevener gemiddeldj 't grótste.

'n Biezunjerheid is det daag en nach rónjelóm d'n aevener ummer twellef oer doere.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Aevener&oldid=429985"