Aerdsjóddel van Remunj (1992)

Van Wikipedia
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Remunjs, as te dit dialek sjpriks.

D'n eerdsjók bij Remund op 13 aprèl 1992 um 03.20 oor 's nachs waor d'n helsten eerdsjók deen oets in Nederland is gemete en eine vaan de groetste bekinde eerdsjókke in de historie vaan Noordwes-Europa.

Gebäöre[bewirk | brón bewèrke]

't Epicentrum vaan dezen hellen eerdsjók laog e paar kilometer zuielek vaan de stad Remund. De krach bedroog 5,8 op de Momint-Magnitudesjaol (de herzeen Sjaol vaan Richter) en de maximaol intensiteit waor good VII op de Sjaol vaan Mercalli (dee tot XII geit). De intensiteit waor neet euveral dezelfde, zoetot de sjók op sommege plaotse mie sjaoj deeg es op aandere.[1] De sjók woort gevoolt tot in Tsjecho-Slowakije, Zwitserland, Fraankriek en Ingeland. In 't land tösse Remund, Mezeik en Heinsberg brach 'r sjaoj touw aon (veural awwer) gebouwe en aon oto's die woorte geraak door vallend pojn. De totaol sjaoj woort gesjat op 275 mieljoen gölde, boevaan 170 mieljoen in Nederland.[2]

In 't landsjap traoje eerdversjuivinge, reveerkantverzakkinge en zandfonteine op, die oontstoon wienie de bojem mèt water drin geit trèlle. Umtot d'n eerdsjók evels gebäörde op 'n deepde vaan oongeveer 17 kilometer (hypocentrum), in e deep deil vaan de Pieëlrandbreuk aon de noordkant vaan de Roerdaalslenk, bleef de sjaoj nog beperk. (In Nederland ligk de vaste stein ummer kilometers deep oonder aander groondlaoge.)

De hoofsjók woort veuraofgegaange door 'ne liechtere sjók vaan 4,8 op de sjaol vaan Richter. Nao de groete sjók woorte nog tot 'ne maond later 200 naosjókke gemete, mèt sterkdes tot 3,8 (die riechte normaal gein sjaoj aon meh zien good te veule).[3]

Recinter heet 't nog liechte eerdsjókke in de buurt vaan Remund gegeve, wie op 17 fibberwarie 2001 (2,7),[4] op 28 november 2006 (2,5)[5] en op 2 september 2008 (2).[6]

Bron[bewirk | brón bewèrke]

Dit artikel is vertaold oet 't corresponderend Nederlandstaoleg artikel, en wel in dees versie; zuug dao veur oteurs en awwer versies.

Referenties[bewirk | brón bewèrke]

  1. KNMI - De aardbeving bij Roermond 13 april 1992
  2. Nieuwsdossier - Roermond getroffen door zware aardbeving
  3. Rob Houtgast, Vrije Universiteit Amsterdam: Breuken en aardbevingen
  4. KNMI - Kleine aardbeving bij Roermond
  5. Nu.nl - Lichte aardbeving bij Roermond
  6. Nu.nl - Lichte aardbeving in Limburg