Aeëpkesorchis
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
D'r aeëpkesorchis (Orchis simia) is 'n orchidee. In Nederland en Belsj is de plaant wèttelek besjermd. In Nederland sjteet ze daobie ooch óp de Roeëj Lies vermeld es sjtabiel en get toenaemend. De bloom liekt get óp e aeëpke, vandao d'r naam.
De plaant kan 20-40 cm hoeëg waeëre. De glanzende blajjer zeunt oongevlekt. D'r sjtengel is kaentig. De plaant bleujt haove mei, oeëbie de baovenste blome 't örsjte ópgeunt. De bloom is lichtroze bies lila.
D'r aeëpkesorchis keumt vör es sjaemplaant in d'r Euregio Maas-Rien óp kalkhoudende groond en, ömdat de plaant vroosgeveulig is, mèt name in busjrande óp hellinge die nao 't zuide gekieërd zeunt. 't Microklimaat óp die plaatsje keumt euvereen mèt 't subtropisch klimaat, d'r sjtrieëk oeë die plaante normaal vörkaome.
