Adonis

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


E standjbild van Adonis in 't Louvre.

Adonis (Aadgrieks: Αδωνις) is e waeze oete Griekse enne Fenicische mythologie. Adonis woort gebaoren oete incestueus leefdje vanne prinses Myrrha en zie vader. Doe dae vader óntdèkdje det t'r mit zien dochter haw geslaope wól d'r die doeadmake, meh de gäöj verangerdje de dochter in 'ne mirreboum. Nao nege maondj droog de boum 'ne sjoean jóng veur. De godinne Persephone en Aphrodite (zie waas mit Adonis minneers) veudjen 'm op. Tróds Aphrodite zien waorsjoewing góng Adonis op jach en hae woort versjäördj door 'n aeverzwien. Adonis waas door zien jeugdige sjoeanheid e symboeal van 't veurjaor enne opbleujendje netuur.

Adonis waas 'nen ónversjrókke jaeger, dae döks roekkeloeas te wirk góng es t'r op gevieërlik wildj joog. Dit veroearzaakdje väöl ónras bie Aphrodite, die sjrump haw veur det 'm get zów euverkómme.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Adonis&oldid=417039"