Adam Smith

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Adam Smith.

Adam Smith (5 juni 1723 - 17 juli 1790) waas 'ne Sjotsen econoom dae wuuert gezeen es de gróndjlègker van 't klassiek liberalisme.

Hae waas van meining det 't naostraeve van 't eige individueel belank 't bèste maotsjappelik belank is. 'n Vrie mert zów volges dem 't meiste oplevere veure samelaeving in 't gehieël. De "ónzichbaar handj" van dees vrie mert zów 't benötsel vanne hölpbrónnen effektief make, waat zów leie toet hermenie en aevewich.

Smith waas gebaoren in Kirkcaldy, Sjotlandj, en studeerdje ethiek (moral philosophy) ane universiteit in Glasgow, wonao d'r waas gaon studeren aan 't Balliol-kolleesj, 'n óngerdeil vanne universiteit van Oxford, mit 'n buuers. In 1748 begós t'r les te gaeven ane universiteit van Edinburgh. In 1751 woort hae beneump toet hoeaglieërer inne logica in Glasgow.

Zie wichtigste werk is An Inquiry into the Nature and Causes of the Wealth of Nations "'n vörsjing nao de aard en oearzake vanne riekdóm van lenjer", meis verkort nao The Wealth of Nations (1776). Hierin loog t'r de gróndj van 't ikkenomisch liberalisme. Al rasj en gemekkelik haw 't ingank inne Vereinigdje Staote en 't Vereinig Keuninkriek, es e gevolg vanne ikkenomische crisis veroearzaak doren Amerikaansen Ónaafhenkelikheidskrieg. Oetèntjelik gaaf de publikaasje ouch d'n doeadsteek veur 't mercantilisme, det veur ieëve lang de economie in Europa behieërdje.

'n Anger werk van Smith is The Theory of Moral Sentiments, worin d'r zien eige ethiek oetzatj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Adam_Smith&oldid=438730"