Achmat Kadyrov

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Achmat-Haji Abdulchamidowitsj Kadyrov (Rössisch: Ахмат-Хаджи Абдулхамидович Кадыров of Ahmat-Hadži Abdulhamidovič Kadyrov) (Karaganda (Kazachstan), 23 augustus 1951 – Grozny, 9 mei 2004) waor de prizzedent vaan Tsjetsjenië.

Heer woort op 5 oktober 2003 verkoze veur 'n termien vaan veer jaor. Es prizzedent waor heer nao veure gesjove door Moskou; de Rössische polletieke elite oonder President vaan de Rössissche Fidderatie Vladimir Poetin woort Kadyrov es acceptabel compromisfiguur gezien.

Op 9 mei 2004 woort heer umgebrach in 't vootbalstadion vaan Grozny (de hoofstad vaan Tsjetsjenië) door e landmien oonder de VIP-tribute tijes 'n militair parade te iere vaan d'n Daag vaan de Euverwinning (Sovjet-Unie).

Achmad Kadyrov waor de pap vaan Ramzan Kadyrov, d'n allewijlen Tsjetsjeense president. Kadyrov junior leet eine vaan de groetse moskees vaan Europa bouwe in Tsjetsjenië en verneumde dee nao ziene pap: de Achmat Kadyrov-moskee.