Achang

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De Achang (Sjinees: 阿昌族; pinyin: Āchāng zú), ouch bekèndj ónger häören eige naam Ngac'ang of Maingtha (Birmees) zeen 'n etnische groep. Ze vörmen ein vanne 56 etnische groepe die officieel erkendj zeen door 't Volksrepubliek China. Ze woeanen ouch in Birma.

't Guuef 27.700 Achang-luuj, wovan 27.600 inne Yunnan-provincie woeane, veural inne autonoom prefectuur Dehong. De Achang kallen 'n aan 't Birmees verwantje spraok Achang, mer höbbe neet häör eige sjrif. Meistes gebroek me Sjinese karakters. Väöl Achang kallen ouch 't Tai Lü, veural óm te hanjele mit 't Daivouk.

De Husa Achang (戶撒) woeanen in 't graofsjap Longchuan (ouch in Dehong) en besjoewe zichzelf es 'n apaart vouk. Ze höbben inne jaore vieftig ónsuccesvól verzóch óm apaart erkèndj te waere. De Husa zeen meer gesiniceerdj es anger Achang.