Aceton

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Aceton.

Aceton, dimethylketon (DMK) of propanon is 'n kluuerloos vleujstóf die väöl gebroek wuuert es 'n oplosmiddel (wie veur 't eweghaole van nagellak). 't Is de eiveljigste organische verbinjing mit 'n ketongroep.

Aceton is 'n vlöchtig en branjbaar vleujstóf. 't Smiltjpuntj ligk bie −94,8 °C en 't kaokpuntj is 56,53 °C. Me gebroek 't daoveur ouch in laboratoria veur glaaswerk nao 't wasse te druuege. Me speultj 't dan aaf mit aceton veur water eweg te kriegen en bluues daorop druueg lóch d'reuverhaer det de aceton verdamp.

Allewaal aceton lich-irriterendj is, is hoedkóntak minder erg es bie väöl anger oplosmiddele. Door zowaal zien oplossendj vermeuge veur organische stóffen es veur zien oplosbaarheid in water is aceton in staot door vèt haer te kómme. Stóffe die zich dan oppe hoed bevinje losse zoea op inne aceton en kómme daomit 't lief in. Aceton wirk óntsmettendj.