Abellen Ayta

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

't Abellen Ayta is 'n Austronesische spraok die gekaldj wuuertj op Luzon inne Tarlac provincie vanne Filipiene. De spraok wuuertj gekaldj door zoea 3.000 luuj (2008), oet 'n etnische bevölking van 5.000, en haet de ISO 639-3 code abp.

Anger benaminge zeen Abenlen, Aburlen Negrito en Ayta Abellen Sambal. De spraok wuuertj gesjreven in 't Letiens sjrif en van 2006 toet 2011 is de Biebel ómgezadj nao 't Abellen Ayta. De spraekers zeen kristelik of höbben 'n traditioneel religie.

't Is neet bekèndj of 't versjillige dialekte guuef. De lexicaal euvereinkóms mit 't Botolan Sambal is 66%, mit 't Sambal 49% en 38%-44% mit 't Ilocano, Pangasinan, Filipino en Pampangan.

't Guuef nag 45 einspraokige spraekers, mer 't aantaal spraekers nump waal aaf. In sómmige aafgelaenge gebiede lieëre kinjer aanvenkelik de spraok nag. 't Wuuertj heim, inne gemeinsjap en inne kirk gebroek, veurnamelik door jónger vólwasse. De opstèlling taengeneuver 't Abellen Ayta is neutraol. Sómmige luuj in aafgelaenge gebiede zeen óngerhandj einspraokig, daoboete verkriegen en gebroeke spraekers euver 't algemein twieëdje spraoke, zowaal heim, inne gemeinsjap es oppe sjoeal. Spraekers verzeuken óm mieëder spraokkóndige identiteite te vereinigen en gebroeken ouch 't Botolan Sambal. 't Abellen Ayta zelf wuuertj es twieëdje spraok gebroek dore spraekers van 't Botolan Sambal en 't Ilocano. De graod van gelitterdjheid is zowaal inne ieëste es de twieëdje spraok 3%.

De spraokstatus veur dees spraok is óntwikkelendj (5); det beteikentj det de spraok laevetig is en det litteratuur in 'n gestanderdiseerdje vorm gebroek wuuertj door sómmige, meh det is nag neet wiedversprèdj of haadbaar.

Classificatie

• Austronesisch
  • Malayo-Polynesisch
    • Filipiens
      • Centraal-Luzon
        • Sambalisch

Brón

• Ethnologue.