Abdij va Hocht
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
D'r Abdij va Hocht is de väörmalige cisterciënzer abdij in 't Belzje Laoneke, tösje de Zuid-Willemsvaart en 't verbindingskanaal Briegden-Neerhare.
D'r naam Hocht waor ooch d'r naam van 'n graafsjap dat an 't Graafsjap Loon väöraafgóng.
Historie
[bewirk | brón bewèrke]
D'r Abdij va Hocht waoërt dör Theodorus (Diederik), hieër va Pietersheim gesjtichd roond 1180. E vroog an d'r abt va Abdij Eberbach (in de buurt va Mainz, Duutsjlaand), dóchterabdij van d'r cisterciënzer Abdij va Clairvaux, 'ne groep monnike te sjture nao Hocht oeë ze 'n mäöle en 't visjrech en tólrech op de Maas ter besjikking krege.
De cisterciënzer monnike bleve evvel neet lang en stichde in 1216 d'r Abdij va Val-Dieu. Roond 1217 waoërt d'r abdij va Hocht äövergenaome dör cisterciënzer nónne van d'r Salvatorberg in Aoke. Stjilaan evolueerde 't kloeëster töt 'n sjtift vör adelleke dames, kanunnikesse. Oorsjpronkelek moese de kandidaat-religieuze 'ne kwarteersjtaot mèt veer kwartere kinne väörliegke, vanaaf abdis Aleyde de Mérode (1574-1577) zelfs ene mèt ach kwartere (de övergroeëtowwersj moese alle ach van adel zieë). De gelofte van örmooj moes in Hocht al van in 't midde van d'r 13de ieeëw neet mie sjtreng naogelaefd werre en de gelofte van ieeëwige zuverhèèd góld eenkel nog väör de abdis. De dames koesse dus oettraeje en trówwe. In 1623 moes óp las van d'r generale abt van de orde va Cîteaux 'ne moeër geboewd waeëre roond 't kloeëster öm de religieuze te verhindere mèt mansluuj öm te goeë.
Nao de Fraanse Revolutie kieëm d'r Abdij in particulier heng.
In de Boschsjtraot in Mestreech is 't refugiehoes of vluchthoes van d'r Abdij van Hocht nog te zieë.
Brónne
[bewirk | brón bewèrke]- Een bijdrage van Jean Maenen in een publicatie van de Werkgroep Leefmilieu Lanaken
- Bouwen door de eeuwen heen in Vlaanderen