Abdie van Cluny

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De Abdie van Cluny.

De abdie van Cluny is e benedictiener kloeaster bie 't plaetske Cluny, zoea 90 km naordelik van Lyon. 't Woort in 909 of in 910 gestif door Wullem van Aquitanië. Me stalj dao de hervörming veurop en wól de regel van Benedictus in zuverheid herstèlle. Aevel woort meis de naodrök gelag op 't ieëste deil vanne regel ora et labora ("baeje" dus). Daoveur boedje m'n 'n ganse liturgie oet. Ouch woort de Romaanse boewkóns dooróntwikkeldj mit tóngewulver die 'n gooj akoestiek hawwe (veur religieuze zank).

De abdie verriekdje zich door 'n doeajecultus en door reliekverieëring, waat baevaart aanlokdje.

De kirk van Cluny woort verinneweerd bieje Franse revolutie. Hiebie góng ouch de groeate bibliotieëk in vlammen op.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Abdie_van_Cluny&oldid=445062"