AJM

Van Wikipedia
Naar navigatie springen Naar zoeken springen
Mascotte vanne AJM

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De AJM is 'n aafkorting vanne algemein jeugbewaeging van Mofert, vóloet Stichting Algemein Jeugbewaeging Mofert geheite (Nederlands: Stichting Algemene Jeugdbeweging Montfort). Dees vereiniging organiseertj van vreuger oet van alderlei activiteite veur kinjer vanne groeate sjoeal.

Ein vanne bekèndjste activiteite is mesjiens de waekelikse knutselaovendj óngere kirk.

Speelwaek[bewirk | brón bewèrke]

In 't hoeagsezoen wuuertj jaorliks de zoeageheite speelwaek georganiseerdj. 't Kestieël Mofert is daobie väöl aangedaon gewaore. Dees waek wuuertj mede meugelik gemaak door vriewilligers en sponsore.

Sint-Merte[bewirk | brón bewèrke]

De AJM organiseertj ouch eder jaor de Sint-Merteviering. Traditioneel begintj die mit 'n mès inne Hèlge Ketrienekirk. Van dao oet trèk 'ne lampionnenoptoch oppe Nuuj Mert aan, wo 't Sint-Mertesvuur wuuertj aangemaak. In 2013 is veur 't ieës 't Sint-Mertesvuur bie 't Kestieël Mofert aangestaoke gewaore.

Keuningsdaag[bewirk | brón bewèrke]

Natuurlik duit de AJM nag mieër es allein Sint Merte en de Speelwaek. Ouch mit Keuningsdaag reup ze de kinjer van Mofert op ómme fiets zoea sjoean meugelik te versiere. Nao aafloup zeen d'r dan prieze veur de kinjer (en häör ajers) die 't meis häör bès gedaon höbbe.

Karneval[bewirk | brón bewèrke]

Ouch haet de AJM häör eige karnevalsvereiniging "De Kèrkuule". Eder jaor wuuertj 't clubhoes Ónger de Kèrk ómgetouverdj toet Kèrkuulepalies. De kinjer kinne hie mit väöl plezeer karneval viere.

Clubaovendje[bewirk | brón bewèrke]

Ouch zeen d'r eder joar clubaovendje wobie de kinjer van groep 3 toet en mit groep 8 kinne knutsele en anger aktiviteite kinne doon in 't clubhoes Ónger de Kèrk. Traditioneel beginne de clubaovendje twieë waeke veur de hèrfsfekansie.

Site[bewirk | brón bewèrke]

Sinds kort haet de AJM ouch häör eige internetsite: www.ajm-montfort.nl.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=AJM&oldid=424208"