Rieksweëg 73
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
Rieksweëg 73, of d'r A73 is 'ne autosjnelweëg deë durch de provincies Gelderland, Naord-Brabant en Nederlands Limburg vuët. D'r weëg verbingk de Geldersje sjtad Nimweëge mit 't Limbörgse Brach, oeë e aasjluut óp d'r A2 richting Mastrich. D'r weëg kunt óch langs de plaatsje Kuuk, Boksmeër, Venroa, Venlo en Remung. D'r weëg is 106 kilometer lank. Doamit is d'r A73 wiechtig vuur 't regionaal verkieër in Zuudoeës-Nederland.
Gesjichte
[bewirk | brón bewèrke]
D'r A73 hat 'n lang gesjichte. D'r weëg is vanaaf 't knooppunt Ewijk bies Boksmeër i 1986 ge-öapend. 't Sjtök Boksmeër-Venroa is i 1993 ópgeleëverd. 't Trajèk bies knooppunt Zaardeheike bei Venlo weëd drei joar sjpieër ópgelieëverd. 't Deel va Venlo bies Brach bei d'r A2 is ieësj i 2008 ge-öapend.
Dit trajèk mós d'r provinciale weëg, d'r N271 (ten oeëste van de Maos), en d'r N273 (westelig van de Maos) vervange. D'r N273 is óch bekank es de Napoleonsbaan of d'r "Doeëjeweëg", umdat hei vöal luuj doeëd bleve bie óngelukker. In 1995 besjloeët 't kabinet tót 't aalegke van d'r nuje sjnelweëg óp d'r westelige kank van de Maos. Innen daag d'rnoa is mit 'n motie gesjtump vuur d'r aalegk va d'r weëg óp d'r oeëstelige kank. Perbleme bei d'r aalègk woare de Europese regelgeëving en de milieueffèkterapportage. Al i 1999 zint de vuurbereëdende wirkzaamhede begós. I 2002 is besjloeëte d'r A73 óp d'r oeëstelige kank aa te legke. I 2003 is d'r aalegk begós, woeënoa d'r weëg i 2008 veëdiggesjtèld woeëd. De tunnele bei Zjwame en Remung zint deks óp 't zjernaal geweës, umdat die aafgesjloeëte woare durch probleme an 't beveiligingssysteem. I 2009 is d'r A73 gans ge-öapend vuur 't verkieër.
Verloop
[bewirk | brón bewèrke]D'r A73 begós egelig vanaaf knooppunt Ewijk bei 't dörp Beuningen. E paar kilometer wier beug d'r sjnelweëg bei 't Knooppunt Lindenholt aaf noa 't zude, woeënoa d'r A73 de westelige sjtadsdele va Nimweëge aaduit. Noadat d'r weëg de Maos uëvergeet bei Kuuk, vuët d'r weëg wier i g'n provincie Naord-Brabant. Bei de plaatsj Boksmeër verbingk 't knooppunt Riekevaart d'r A73 mit d'r A77 richting 't Ruhrgebeed in 't Pruus. Bei Venrao geet d'r sjnelweëg de grens tusje Naord-Brabant en Limburg uëver. Bei Venlo verbingk 't knooppunt Zaardeheike d'r sjnelweëg mit d'r A67, d'r sjnelweëg van 't Belsj noa 't Pruus. D'r weëg vuët hei kót d'rnoa langs 't westelig sjtadsdeel Blierik, woeënoa 't de Maos uëvergeet.
Drek heinoa sjplits d'r weëg aaf i d'r A74, deë flót d'rnoa uëvergeet in d'r Pruusje sjnelweëg d'r A61 richting Koblenz (Knooppunt Tiglia). D'r A73 vuët wier richting 't zude langs plaatsje wie Tegele, Bezel en Zjwame. De bebusjde huëgde van 't Maosterras óp de grens mit 't Pruus is hei good te zieë. Bei Zjwame is 'ne kótten tunnel va 400 meter lank (Tunnel Zjwame). Zuudliger, bei Remung is 'nen langeren tunnel van óngevier 2.400 meter, d'r Roertunnel. D'r weëg vuët hei (óch) ónger de zierevier de Roer, die vuët noa de Maos. 't Sjtök ónger Remung vuët langs de Maos en zien plasse. Kót d'rnoa sjluut d'r A73 aan óp d'r A2 bei 't knooppunt 't Vondere.
Dit artikel is e sjtumpke. De kans Wikipedia helpe door 't aan te völle