Tunnel Zjwame
Dit artikel is gesjreve (of begós) in 't Zjwaams. Laes hie wie v'r mit de versjillende saorte Limburgs ómgaon.
Tunnel Zjwame (ouch: Zjwametunnel) is 'ne kórten tunnel inne autobaan A73 ter heugde van 't dörp Zjwame (gemeinte Remunj). D'n tunnel is totaal ein kilomaeter lang, waovan 400 maeter gesjlaote, dus óngertunneld. De maximumsjnelheid is 100 kilomaeter per oer. D'n boew va d'n tunnel begós in 2003, tegeliek mit d'n boew van de A73 oppe oostelike kantj vanne Maas. Veur d'n boew móste de sjtasie van Zjwame en 'n klei sjtökske sjpaor inkel tientalle maeters waere verlag. Volges de planning zouw d'n tunnel mit de ganse autobaan van Venlo nao Brach in jannewaar 2008 waere geäöpend, maar de volledige äöpening woort bis december 2009 oetgesjteld waeges óngersjatting vanne wieväölheid wirk, det 't plaatse vanne nuuj veiligheidssysteme vergde.
Tot daen tied gool 70 kilomaeter op ein vaarsjtraok in bei richtinge. Zo kós d'n aannummer doorwirke, dewiel 't verkier toch gebroek kós make vanne nuje waeg. Inne tösseligkende weekende waor d'n tunnel weer gesjlaote en inne letste twee maonde veur de äöpening waor d'n tunnel zelfs volledig gesjlaote gewees. Ouch waor de software door versjerpte tunnelwetgaeving hooggeveulig aafgesjteld (dewiel d'n tunnel neet voldeeg aan die nuuj veiligheidseise), mit väöl noodaafsjloetinge en files tot gevolg.