2005 YU55

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

2005 YU55, ouch wel gesjreve es 2005 YU₅₅, is 'n meugelek gevaarleke asteroïed mèt 'nen doorsnei vaan 400 meter. 2005 YU55 woort oontdèk op 28 december 2005 door Robert S. McMillan vaan 't Steward-observatorium vaan de Universiteit vaan Arizona^[1].

2005 YU55 is op 8 november 2011 op 'nen aofstand vaan 324.600 km langs de Eerd gevloge.^[2] Dezen aofstand is minder es d'n aofstand tösse de Eerd en de Maon. 'nen Daag later is de asteroïed op 'nen aofstand vaan 239.000 km langs de Maon gekoume. Allewel d'n aofstand vrij klein is, gief 't gei gevaar veur de Eerd. D'n invlood op 't zwoerdekrachveld is verwaarloosbaar. De baon vaan de asteroïed is vrij perceis berekend en veur de koumende 100 jaor is oetgerekend tot 2005 YU55 de Eerd neet zal rake.

De asteroïed is hiel lesteg te zien (ze is zwarter es kole); dit kin allein mèt gespecialiseerde verrekiekers of telescope.

Referenties

↑ "MPEC 2005-Y47 : 2005 YU55". 2005-12-29.
↑ Don Yeomans, Lance Benner and Jon Giorgini (March 10, 2011). "Asteroid 2005 YU55 to Approach Earth on November 8, 2011".

[MPEC2005-Y47-1] "MPEC 2005-Y47 : 2005 YU55". 2005-12-29.

[news171-2] Don Yeomans, Lance Benner and Jon Giorgini (March 10, 2011). "Asteroid 2005 YU55 to Approach Earth on November 8, 2011".

[1]

[2]