Remigius

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Remigius duip Clovis (sjilderie van de meister van Saint-Gilles, rónd 1500)

Remigius (sóms ouch waal Sintermies of Sintermeis) ies 'ne katholieke heilige. Ziene fièsdaag is op 13 jannewarie. Hae waor 'ne Frankische biesjop en woort bekènd doordat hae Clovis haet geduip. Remigius ies de petroanheilige van Reims en van Klumme in Nederlands Limburg. Ouch ies hae helper tege de pes, kaelpien, epidemieë, koorts, sjlange en religieus ónversjilligheid.

Remigius woort rónd 't jaor 436 gebore in de buurt van Laon (Frankriek). Wie hae 22 jaor waor woort 'r tot bissjop gewiejd. In daen tied woort 't christendom in Gallië ummer belangrieker. In de keersjnach van 't jaor 496 leet de heidense keuning Clovis ziech in de kathedraal van Reims door Remigius duipe. Daodoor woorte de Franke christelik en kreeg 't christendom nog miè invlood.

Remigius sjtorf op 13 jannewarie 533. Hae liek begrave in de basiliek Saint-Remi in Reims.

Externe link en brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Remigius&oldid=349708"