Perseïde

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Perseïde is 'ne meteorezwerm. Eder jaor in augustus trèk de Eerd door dees stöbwolk die is achtergelaote door de komeet Swift-Tuttle. Es de stöbdeilkes de dampkrink vaan de Eerd rake verdampe ze, woebij ze 'n helder striep achterlaote in de loch. Ze zien al ziechbaar vaanaof midde juli, mer 't huugdepunt ligk miestal roond 12 augustus. Op dat ogenblik gief 't dèks tientalle (soms mie es 60) meteore per oor te zien in de loch. Ouch in 2010 vèlt 't huugdepunt op 12 augustus.[1] De mieste woernumminge zalle evel vlak veur zonsopkomst van d'n 13en augustus gedoon weure. De striepe die de meteore trèkke liekene oet 't starebeeld Perseus te koume, wat de verklaoring is veur de naom.

Woernumme[bewirk | brontekst bewerken]

De Perseïde weure al mie es 2000 jaor woergenome. Dèks weure ze ouch wel de 'Traone vaan Laurentius' geneump (Laurentius heet ziene naomdaag op 10 augustus). De meteore kinne mèt 't bloete oug door de gaanse loch weure gezeen, mer vanwege de baon vaan Swift-Tuttle veural in 't noordelek haafroond. Netuurlek weurt 't woernumme mekeleker es dat boete de steieleke gebiede gebäört, vanwege de leechvervojling.

Referenties[bewirk | brontekst bewerken]

  1. ""Planets Align for the Perseid Meteor Shower"". spacefellowship.com. 6 augustus 2010. 
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Perseïde&oldid=341521"