Moskou

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Blazoen vaan Moskou

Moskou (Rössisch Москва́) is de hoofstad vaan Rusland, en had in 2004 11,2 miljoen inwoeners. De stad is daomèt de groetste stad vaan Europa. Ze ligk aon de Moskwa-revier, boe de stad ouch häör naom aon oontleent. Moskou is bekind vaan 'n aontal Rössisch orthodoxe kèrke mèt gawwe koepele, de St.-Basiliuskatdraal, 't Kremlin en de Roeje Plei.

Historie[bewirk | brontekst bewerken]

De St.-Basiliuskathedraal in Moskou

Moskou woort gestiech, of temeenste iers geneump, in 1147; daan waor 't neet mier es e pläötske bewoend door de Merja, e Finoegrisch volk. 't Woort evels al wel door Slavische prinse geregierd. In 1237 en 1238 brande de Mongole de stad gaans plat en vermaorde 't groetste deil vaan de bevolking. Door zien strategische ligking evels bleujde de stad gaw wier op. 't Prinsdom waor in deen tied sjatplichteg aon de khan, meh woort wie langer wie independenter. Prins Ivan III sjeide in 1480 't prinsdom vaan 't Mongools Riek vaan de Gawwe Horde aof. Deze prins leet ouch 't Kremlin bouwe.

Nao deen tied breide 't prinsdom ziech ummer wijer oet, meh de tyrannieke regering vaan de tsare zorgde neet veur groete bleuj. Bovedeen woort Moskou nog geregeld belegerd, vaanoet oos en wes: In 1571 veel 't Riek vaan de Gawwe Horde wier aon, in 1610 waor 't 't Pools-Litauws Gemenebes. Evels kós me ummer de vijandeleke legers aofsjödde vaanoet 't Kremlin, wat mie en mie 'n mythische beteikenis kraog.

In 1703 verplaotsde tsaar Peter de Groete de residentie vaan Moskou nao Sint-Petersburg. In 1812 stake de Moskoviete de stad in brand um de troepe vaan Napoleon te kiere, wat lökde. Nao de Oktoberrevolutie van 1917 woort Moskou wier hoofstad vaan Rusland en vaan de USSR. 't Sovjet-beweend spendeerde relatief väöl geld aon de hoofstad; zoe woort in de jaore daarteg oonder Jozef Stalin de metro aongelag. In 1942 lökde 't de Duitsers neet de stad in te neme: ze bleve in de boetewieke steke en woorte dao-oet in de Slaag bij Moskou verdreve. Ouch vaan 't pos-communistisch Rusland woort Moskou hoofstad.


Commons
Op de pazjena Москва van Wikimedia Commons zeen media gerelateerd aan dit óngerwerp te vènje

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Moskou&oldid=343895"