Miskolc

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Miskolc.

Miskolc (oetkal: [miʃkolts], miesjkólts; in 't Slowaaks: Miškovec, Pools: Miszkolc) is 'n stad in Noeardjoeas Hóngarije, mit 'ne zwaoren industriëlen achtergróndj. Mit 168.075 inwoeaners (2011) is Miskolc de veerdje stad van 't landj (nao Boedapes, Debrecen en Szeged). 't Is ouch de höidstad van Borsod-Abaúj-Zemplén en 't regionaal centrum van Noeardj Hóngarije. Miskolc haet 'n oppervlakdje van 84 km². Sins 1954 is 't 'n "stad mit comitaatsrech" (megyei jogú város). Miskolc steit veural bekèndj es industriestad. 't Vörmp 't middelpöntj van 't industriegebied Bosrod.

De stad lègk aan de voot van 't Bükk-, 't Cserehát- en 't Zempléngebergdje, die oetloupe in de leegvlakdje (Alföld). e Stadsdeil es Lillafüred lègk in 't berggebied en is bekindj óm zie grotte en de groeatste waterval van Hongarije. Lillafüred lègk op 8 km tèn weste van de stad.

Ouchal kreeg Miskolc in 1365 stadsrechte en 't op 'n lank gesjiedenis es centrum van nieverheid kan trökzeen, is Miskolc veural 'n 20sten-ieëuwse stad. In 1945 waerdje 't aaj Miskolc samegevoog mit 't naoberig Diósgyőr en later mit inkel kleinder plaatse, wodoor 't hujig Groeat-Miskolc toet standj koom. Nao d'n Twieëdje Waereldkrieg kreeg de wiejer óntwikkeling van de zwaoren industrie prioriteit.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Miskolc&oldid=341300"