Koksijde

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Koksijde in Wes-Vlaandere.
Koksijde mèt deilgemeintes en aongrenzende (deil)gemeintes (zuug de hoofteks veur 'n verklaoring).
Slevrouwekèrk in Koksijde-Bad.

Koksijde (Wes-Vlaams: Koksiede) is e dörp en 'n gemeinte in de Belzje provincie Wes-Vlaandere, arrondissemint Veurne, in de Weshook, aon de Noordzie. De gemeinte heet 'n oppervlak vaan 43,96 km² en had op 1 januari 2008 21.515 inwoeners.

Geografie[bewirk | brontekst bewerken]

Deilgemeintes[bewirk | brontekst bewerken]

De gemeinte Koksijde besteit oet drei deilgemeintes. Wijer höbbe Koksijde en Oostduinkerke nog aander kerne binne hun grenze (de kern Oostduinkerke-Bad is hei evels neet apaart aongegeve!). De deilgemeinte Koksijde heet 'n oppervlak vaan 14,19 km² en had in 2007 12.358 inwoeners, boevaan 3.413 in Koksijde-Dorp, 5.711 in Koksijde-Bad en 3.234 in Sint-Idesbald.

Aongrenzende (deil)gemeintes[bewirk | brontekst bewerken]

Natuur[bewirk | brontekst bewerken]

Koksijde kint 701 hectaar natuurgebeed. 't Bekindste daovaan is 't rizzervaot d'n Hoge Blekker mèt e duin vaan 33 meter, 't hoegste aon de Belzje kös.

Gemeinteleke functies[bewirk | brontekst bewerken]

Koksuijde is, wie mier plaotse aon de Wes-Vlaomse kös, nogal toeristisch geriech. Wijer heet Koksijde 'n kunsacademie die de ganse Weshook veurzuut, versjèllende musea (zuug oonder) en 'n belaankrieke hotelsjaol.

Cultuur[bewirk | brontekst bewerken]

Bezeensweerdeghede[bewirk | brontekst bewerken]

In Koksijde stoon twie kèrke die de aondach trèkke: de neogotische Pieterskèrk in Koksijde-Dorp en de modernistische Slevrouwekèrk in Koksijde-Bad (zuug foto). Wijer vaan belaank zien 't nui raodhoes en de villawiek Quartier Sénégalais, e besjèrmp dörpsgeziech.

Musea[bewirk | brontekst bewerken]

In Koksijde steit, um de reste vaan de aw cisterciënzerabdij, e religieus museum mèt 'n groete zèlvercollectie. In Sint-Idesbald vint me e museum euver Paul Delvaux, in Oostduinkerke 't Nationaol Vèsserijmuseum.

Taol[bewirk | brontekst bewerken]

't Koksijds maak deil oet vaan 't Westelek Wes-Vlaams en liekent sterk op 't dialek vaan Veurne. De euvereinkomste mèt 't Frans-Vlaams weure hei al beter merkbaar.

Historie[bewirk | brontekst bewerken]

Koksijde had in de twelfden iew 'n bleujende abdij in de duine. Vaanaof d'n daartienden iew raakde ze evels ummer mier in verval door euverstruiminge, represailles door Vlaminge nao de Gouwesporeslaag en de Beeldestörm door calviniste in d'n Tachtegjaoregen Oorlog. De abdij bleef in marginaole vörm bestoon tot 1833 (in 'n kapel op de plaots boe noe 't dörp Sint-Idisbald ligk). In de negentienden en twintegsten iew kaom 't toerisme op, dewijl in de loup vaan de twintegsten iew de beteikenis vaan de landbouw aofnaom. Zoe kós Koksijde-Bad oontstoon en oetindelek in belaank bove 't aajd dörp oetgreuje. In 1977 annexeerde Koksijde de gemeinte Oostduinkerke, die zelf ieder al in 1971 de gemeinte Wulpen had opgenome.

Bekinde inwoeners[bewirk | brontekst bewerken]

Extern links[bewirk | brontekst bewerken]


Provincie Wes-Vlaandere

Alveringem | Anzegem | Ardooie | Avelgem | Beernem | Blankenberge | Bredene | Brugge | Damme | De Haan | De Panne | Deerlijk | Dentergem | Diksmuide | Gistel | Harelbeke | Heuvelland | Hooglede | Houthulst | Ichtegem | Ieper | Ingelmunster | Izegem | Jabbeke | Knokke-Heist | Koekelare | Koksijde | Kortemark | Kortrijk | Kuurne | Langemark-Poelkapelle | Ledegem | Lendelede | Lichtervelde | Lo-Reninge | Menen | Mesen | Meulebeke | Middelkerke | Moorslede | Nieuwpoort | Oostende | Oostkamp | Oostrozebeke | Oudenburg | Pittem | Poperinge | Roeselare | Ruiselede | Spiere-Helkijn | Staden | Tielt | Torhout | Veurne | Vleteren | Waregem | Wervik | Wevelgem | Wielsbeke | Wingene | Zedelgem | Zonnebeke | Zuienkerke | Zwevegem

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Koksijde&oldid=342611"