Noordzie

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Noordzie is 'n zie vaan de Atlantische Oceaan dee tösse Groet-Brittannië, Iesland en 't Europees vasteland ligk. De len aon de Ooskant vaan de zie zien Noorwege, Denemarke, Duitsland, Nederland, 't Bèlsj en 't allernoordelekste stök vaan Frankriek. In de zie ligke weineg eilande; boete Helgoland ligke alle eilande in kusgebejer en in nauw archipelle, wie de Shetland-eilande, de Orkney-eilande en de Wadde-eilande. De Doggersbank mót kortstundeg, tösse de lèsten iestied en de wermen tied, 'n eiland zien gewees. De Ooszie löp in de Noordzie euver, zjus wie de es natuurgebeed tamelek unieke Waddezie. De reviere de Maos, de Rien, de Schelde, de Elbe, de Weser, de Eems, de Teems en de Humber loupe drin oet.

De Noordzie is relatief werm, door invoer vaan werm water door de Golfstroom. Daodoor kinne de strande 't zuidelek deil vaan de zie, die breid en zandeg zien, e bleujend toerisme. De werm zie gief de len roontelum e mild klimaat, mèt relatief zachte winters en keul zomers. De fauna in de zie is divers, al steit ze oonder groete drök vaan de miljeuvervuiling.

De Noordzie is de dröks bevare zie ter wereld, mèt Maos en Rien es weeg vaan en nao 't achterland en de Atlantische Oceaan es transportgebeed vaan en nao Afrika en Noord- en Zuid-Amerika. De belangriekste havestei aon dees zie zien Ziebrögke, Antwerpe, Vlissinge, Rotterdam, Amsterdam, Den Helder, Delfzijl, Emden, Bremerhaven, Wilhemshaven, Hamburg, Esbjerg, Oslo, Bergen, Reykjavík, Edinburgh en Londe.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Noordzie&oldid=337849"