Mesen

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Mesen in Wes-Vlaandere.
Mesen mèt aongrenzende (deil)gemeintes (zuug de hoofteks veur 'n verklaoring).
Sinterklaoskèrk in Mesen.

Mesen (Wes-Vlaams Meêsn, Frans Messines) is e stedsje in de Belzje provincie Wes-Vlaandere, arrondissemint Ieper, tege de grens mèt Wallonië. De stad besleit 'n oppervlak vaan 3,58 km² en had op 1 januari 2008 997 inwoeners.

Geografie[bewirk | brontekst bewerken]

Mesen heet gein deilgemeintes en gein aander kerne binne zien grenze. E deil vaan wat de facto de plaots Mesen is, ligk binne de grenze vaan Wijtschate.

Aongrenzende (deil)gemeintes[bewirk | brontekst bewerken]

Cultuur[bewirk | brontekst bewerken]

Bezeensweerdeghede[bewirk | brontekst bewerken]

In 't stedsje steit 'n Sinterklaoskèrk (oersprunkelek oonderdeil vaan 'n abdij, verweus in d'n Ierste Wereldoorlog, kèrk herbojd nao 't gebouw vaan d'n achtienden iew) mèt 'n romaanse crypte oet d'n èlfden iew wat de begraofplaots vaan Adela vaan Mesen is. 't Kerriljóng späölt eder kerteer meziek die aon d'n Ierste Wereldoorlog moot rappelere. 't Gief versjèllende begraofplaotse, boe-oonder ein veur de Iere (Island of Ireland).

Taol[bewirk | brontekst bewerken]

De volkstaol vaan Mesen is Westelek Wes-Vlaams mèt e paar continentaol kinmerke, liekend op 't dialek vaan Ieper. Mesen is 'n faciliteitegemeinte; de faciliteite zien veur Franstaolege.

Historie[bewirk | brontekst bewerken]

Mesen, allewijl dörps en ingeslaope vaan karakter, waor in d'n èlfden en twelfden iew 'n belaankrieke stad mèt 'n bekinde abdij veur vrouwe. De abdis had de wereldleke mach euver de stad en zelfs zègkensjap euver e mannekapittel. Dit maakde 't bestuur vaan de stad oongebrukelek. Adèle vaan Fraankriek, 'n Franse prinses ouch wel bekind es Adela vaan Mesen, is hei gestorve en in de crypte (zuug bove) begraove. 't Waor in deen dage e centrum vaan de lake-industrie (same mèt mechtege stei wie Ieper en Brugge). Me tèlde in de vieftienden iew 2.000 heerde (de gebrukeleke belastingeinheid bij Franse volkstèllinge), wat neerkump op 6.000 tot 8.000 inwoeners. Nao 'ne groete brand in dezelfden iew góng 't stedsje achteroet. In de Napoleontischen tied verloor 't ziene stadstitel. In d'n Ierste Wereldoorlog is hei hel gevochte; hei woort de mijneslaag vaan Mesen oetgevochte. Bij Mesen waor 't ouch tot Adolf Hitler gewond raakde en e litteike opleep. In de jaore zesteg woort Mesen tot faciliteitegemeinte; door dee status oontkaom 't in 1977 aon herindeiling bij de gemeinte Heuvelland. In 1985 kraog Mesen ziene stadstitel trök.

Extern links[bewirk | brontekst bewerken]


Provincie Wes-Vlaandere

Alveringem | Anzegem | Ardooie | Avelgem | Beernem | Blankenberge | Bredene | Brugge | Damme | De Haan | De Panne | Deerlijk | Dentergem | Diksmuide | Gistel | Harelbeke | Heuvelland | Hooglede | Houthulst | Ichtegem | Ieper | Ingelmunster | Izegem | Jabbeke | Knokke-Heist | Koekelare | Koksijde | Kortemark | Kortrijk | Kuurne | Langemark-Poelkapelle | Ledegem | Lendelede | Lichtervelde | Lo-Reninge | Menen | Mesen | Meulebeke | Middelkerke | Moorslede | Nieuwpoort | Oostende | Oostkamp | Oostrozebeke | Oudenburg | Pittem | Poperinge | Roeselare | Ruiselede | Spiere-Helkijn | Staden | Tielt | Torhout | Veurne | Vleteren | Waregem | Wervik | Wevelgem | Wielsbeke | Wingene | Zedelgem | Zonnebeke | Zuienkerke | Zwevegem

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Mesen&oldid=342635"