Iers

Van Wikipedia
Gank nao: navigatie, zeuke

't Iers is de Keltische taol die vaanajds in Ierland gesproke weurt en noe nog door 'n gooj 1%, zoe 40.000 men, vaan de Iere es mojertaol deent. Väöl mier lui kinne de taol spreke en verstoon, namelik zoe 260.000. 't Iers is beperk tot zgn. Gaeltachtaí, gebede die door de regiering afgebaokend zien en boe-in 't Iers groete besjerming heet. Deze besloon veural 't hiel dunbevolkte weste. Recènter zien ouch in Dublin twietaolege sjèlder aongebrach. 't Iers is de ierste officieel taol vaan Ierland, nog veur 't Ingels. 't Aontal mojertaolsprekers nump nog ummertouw aof, meh umtot de taol 'n groete nationalistische woerde heet in Ierland, zal ze wel noets gaans oetsterve.

De taol is 't meist verwant aon 't Sjots Gaelic en 't Manx Gaelic. De aander Keltische taole, wie 't väöl succesvollere Welsh, stoon wijer vaan 't Iers aof. 't Ingels dialek aon de Ierse ooskust (wie 't Dublins) heet 'ne depen Iersen invlood.

Extern linke[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Iers&oldid=337396"